A ameaza silenciosa

Tras a presentación da segunda etapa de execución do proxecto “Plan de actuación sobre a flora invasora da Ría de Ortigueira e Ladrido”, a Fundación Ortegalia continúa durante todo o mes de setembro coa campaña de información e concienciación acerca dos perigos das plantas exóticas invasoras.

Se estás interesado en saber máis sobre este tema podes acudir ao seguintes Centros Sociais do Concello de Ortigueira:

- C.S. de Céltigos, o xoves 10 de setembro ás 19 horas

- C.S. de Mera de Riba, o venres 11 de setembro ás 19 horas

- C.S. de Ladrido, o mércores 16 de setembro ás 20 horas

- C.S. de San Adrián, o xoves 17 de setembro ás 20 horas

- C.S. de Mera de Baixo, o mércores 23 de setembro ás 16.30h

- C.S. de Espasante, o xoves 24 de setembro ás 20 horas

*Queda tamén á vosa disposición o poster e o tríptico da campaña, que podedes descargar picando nas imaxes.

Plan de actuación sobre a flora invasora da Ría de Ortigueira e Ladrido

Grazas á colaboración do Instituto de Desarrollo Caixanova, a Fundación Ortegalia comezou, en maio de 2009, a segunda etapa do seu “Plan de actuación sobre a flora invasora da Ría de Ortigueira e Ladrido”.

En primeiro lugar levouse a cabo unha revisión dos mapas de distribución das plantas invasoras para obter datos sobre a súa evolución dende 2008 co fin de poder planificar mecanismos específicos de control e de erradicación para cada unha das especies cartografiadas.

Iníciase agora unha campaña informativa para dar a coñecer os resultados destes traballos e concienciar á poboación da perigosidade destas especies que, xeralmente, se expanden a partir dos nosos xardíns.

Se estás interesado en saber máis sobre as plantas exóticas invasoras e o que cada un de nós podemos facer para evitar a súa expansión, non podes faltar á charla:

A flora exótica invasora no Ortegal

Xoves 20 de agosto ás 20.15h no Museo Ortegalia