Conferencia “Os muíños e a posta en valor do patrimonio. O caso das Terras de Ortegal”,

Informámosvos de que este venres, ás 20:00h., o Museo Ortegalia acollerá a conferencia “Os muíños e a posta en valor do patrimonio. O caso das Terras de Ortegal”, a cargo do historiador Xosé María Leal Bóveda.
Organiza: Asociación Terras do Ortegal.
Presenta: María Quintiana, consultora de comunicación.

PEZA DO MES DE OUTUBRO- MUSEO ORTEGALIA

ANIMAIS EN ADOPCIÓN

 

 

Desde mañá, quedará aberta ao público esta mostra de fotografías, cedidas por Animales Ortegal, onde poderedes coñecer aos animais do noso concello que están á procura dun novo fogar.

MUSEO ORTEGALIA - PUNTO DE RECOLLIDA DE MATERIAL PARA OS ANIMAIS ABANDONADOS

Desde a Fundación Ortegalia queremos agradecer a vosa participación a tod@s @s que asististes á actividade de onte "Loitando por eles", mostrando a vosa sensibilidade polos animais en busca de fogar e necesitados de axuda. Especialmente, gustaríanos transmitir o noso agradecemento á Asociación Pegadas Solidarias e a Animales Ortegal, así como a todos aqueles que, como Belén Galdo, colaboran de forma totalmente altruísta con eles. Nosos máis sinceros parabéns polo voso traballo.
Ademais, informámosvos de que acaba de instaurarse, no Museo Ortegalia, un punto de recollida de donativos para ambas entidades e de material para o refuxio das Pontes.

MERCADIÑO SOLIDARIO

4 de outubro, Día Mundial dos Animais
LOITANDO POR ELES
Non vos esquezades de asistir hoxe a esta actividade que consistirá nunha mesa redonda, na que participarán Pegadas Solidarias e Animales Ortegal.
Ademais, haberá un mercadiño solidario e unha mostra fotográfica sobre os animais máis necesitados de axuda.

LOITANDO POR ELES

Lembrámosvos que mañá, ás 20:00h., celebrarase no Museo Ortegalia unha mesa redonda para dar a coñecer o labor da Asociación Pegadas Solidarias (As Pontes) e de Animales Ortegal (Ortigueira).
A actividade verase complementada cunha exposición temporal sobre casos particulares de animais necesitados de axuda. Ademais, haberá un mercadiño solidario onde se exporán e venderán produtos realizados por Belén Galdo e Mary Carmen López ou doados por outras colaboradoras.

EXPOSICIÓN "ESTAMPAS DE ORTIGUEIRA"

A partir do 7 de outubro poderedes visitar no Museo Ortegalia a mostra de fotografía "Estampas de Ortigueira". As vinte e cinco fotografías que forman parte da exposición foron cedidas por Rosa Otero, Rosa Barro e Carmiña Lage.